شیناکی کے نو جوانوں کے بنیادی مسائل سے بخوبی واقف ہوں

ہنزہ( این این آئی)قائد فرمان برونگ اُمید وار برائے ضلع کونسل برسئے حلقہ شیناکی نے کہا ہے کہ شیناکی کے نو جوانوں کے بنیادی مسائل سے بخوبی واقف ہوں اُن کی دیرینہ خواہش کو مد نظر رکھ کر ناصر آباد میں بین الاقوامی معیار کی سٹیڈیم بنوانے کا ہم نے تہیہ کر لیا ہے جس کی تکمیل کے لئے گورنر گلگت بلتستان میر غضنفر علی خان نے دس کروڑخانہ آباد کے لئے اور اُن کی شریک حیات و ممبر قانون ساز اسمبلی (ٹیکنوکریٹ) رانی عتیقہ غضنفر علی واٹر سپلائی اسکیم کی مد میں ۴ کروڑ ستر لاکھ رقم مختص کیا ہے۔
اس سٹیڈیم کے قیام سے وطن عزیز میں بالخصوص ہنزہ میں امن و آمان کی فضاء مذید بہتر ہونے اور اندرون و بیرون ملک سیاحوں کی آمد کے باعث یہاں (ہنزہ)معاشی استحکام میں تقویت ملے گی۔اندرون و بیرون ملک سیاحوں کی آمد میں بے تہاشہ اضافہ ہوگی۔ اور پوری دنیا سے تعلقات میں اضافہ ہوگا۔