اسلام آباد(پ، ر): گلگت بلتستان جرنلسٹ فورم راولپنڈی اسلام آباد کے صدر غلام عباس سمیت دیگر ممبران نے گلگت میں سنئیر صحافی ندیم خان کو قتل کی دھمکی دینے کی بھرپور مذمت کرتے ہوئے کہا کہ اس طرح سے صحافیوں کی آواز دبانے کی ناکام کوشش کو کسی صورت برداشت نہیں کریں گے. گلگت بلتستان میں صحافیوں کی جان کو کسی نہ کسی صورت ہمیشہ سے خطرہ لاحق رہا ہے، قانون نافذ کرنے والے ادارے آنکھیں بند کر کے سب کچھ ٹھیک ہے کی رٹ لگاتے ہیں. سنئیر صحافی ندیم خان کو گزشتہ رات گن پوائینٹ پر گاڑی سے اتار کر قتل کی دھمکی دینے کی بھر پور مذمت کرتے ہیں اور نگران وزیر اعلیٰ گلگت بلتستان گورنر گلگت بلتستان، فورس کمانڈر گلگت بلتستان، چیف سیکرٹری، آئی جی پولیس سے مطالبہ کرتے ہیں کہ واقع کا فوری نوٹس لے کر قانونی کارروائی عمل میں لائی جائے. آیے روز صحافیوں پر حملے انتظامیہ کی نااہلی اور پولیس کی کارکردگی پر سوالیہ نشان ہے۔
جاری کردہ
ابرار حسین استوری
سیکرٹری اطلاعات گلگت بلتستان جرنلسٹ فورم راولپنڈی اسلام آباد
