گلگت:گورنر سیکریٹریٹ گلگت بلتستان کے ترجمان نے کہا ہے کہ گزشتہ دن گلگت بلتستان اسمبلی میں صوبائی وزیر قانون ایڈوکیٹ اورنگزیب کا عارضی ملازمین مستقلی کی بابت تقریر کا شدید الفاظ میں مذمت کی ہے۔ وزیر موصوف نے گورنر گلگت بلتستان راجہ جلال حسین مقپون پر من گھڑت، بے بنیاد اور بیہودہ الزامات عائد کرتے ہوئے کہا ہے کہ گورنرگلگت بلتستان نے جان بوجھ کر عارضی ملازمین مستقلی بِل 2020ء پر دستخط نہیں کیا۔ گورنر سیکریٹریٹ کے ترجمان نے کہا کہ صوبائی وزیر قانون کی تقریر میں کوئی صداقت نہیں چونکہ گلگت بلتستان اسمبلی سے کوئی عارضی ملازمین مستقلی بل تحت قانون پاس نہیں ہو اتھا اس کا واضح ثبوت یہ ہے کہ سپیکر گلگت بلتستان اسمبلی نے روولنگ پاس کیا ہے اور گلگت بلتستان اسمبلی کے سیکریٹری نے بل میں موجود نقائس تحریری طور پر پیش کیا تھا جس کے تمام ثبوت ریکارڑ پر موجود ہے اور بل پر رولز آف بزنس 2009ء کے تحت کوئی کاروائی نہیں ہوئی تھی اور نہ ہی اسمبلی اور متعلقہ اداروں کی طرف سے عارضی ملازمین مستقلی بل 2020ء پا س کرنے کی تجویز دی تھی نیز سب سے بڑ ھ کر یہ کہ لیگی وزیر اعلیٰ حافظ حفیظ الرحمن نے خود بل پر سفارش کئے بغیرغور کے لیئے گورنر گلگت بلتستان کو بھیجا تھا۔ گلگت بلتستان آرڈر 2018ء اور رولز آف بزنس 2009ء کے تحت وزیر اعلیٰ اس بات کا پابند ہے کہ وہ قانون کے مطابق کوئی بھی بل اسمبلی سے پاس کرکے گورنر گلگت بلتستان کو حتمی منظوری کے لیئے اپنے واضح سفارشات کے ساتھ بھیجے لیکن اس نے نہیں کیا۔
ٍ لیگی وزیر اعلیٰ حافظ حفیظ الرحمٰن نے اپنی سیاست چمکانے کے لیئے اور گورنر گلگت بلتستان کی ساکھ کو خراب کرنے کے لیئے اپنا سیاسی گیم کھیلا اور گلگت بلتستان کے غریب عارضی ملازمین کو گمراہ کرنے کے لیئے عارضی ملازمین مستقلی بل2020ء پر بغیر سفارشات کے بل گورنر کو بھیج دیا۔ لیگی وزیر اعلیٰ نے اپنے 5سالہ دور اقتدار میں کبھی ملازمین مستقل کرنے کی زحمت نہیں کی جبکہ اپنے اقتدار کے آخری ہفتے میں عارضی ملازمین کو گمراہ کرنے کے لیئے بغیر سفارش کے عارضی ملازمین مستقلی بل 2020ء گورنر کو بھیجا تھا۔
لیگی وزیر اعلیٰ نے مختلف مواقعوں پر پریس کانفرنس کے ذریعے گلگت بلتستان کے عوام کو غلط تاثر دینے کی ناکام کوشش کی اور کہا ہے کہ وفاق نے گلگت بلتستان کو سری نگر کی طرح اپنا کالونی سمجھا ہے اور ہندوستان سے تشبیہ دی ہے جو کہ انتہائی قابل مذمت ہے۔گلگت بلتستان پاکستان کا شہ رگ۔ لیگی وزیر اعلیٰ کو یہ زیب نہیں دیتا کہ وہ اپنے اقتدار کے آخری آیام میں مملکت خداداد کے خلاف اس طرح کی زبان درازی کرکے گلگت بلتستان کے عوام کو گمراہ کرنے کی ناکام کوشش کرے۔
گلگت بلتستان کی عو ام میں سے کوئی بھی باشعور فرد یا عارضی ملازمین میں سے کوئی بھی ذمہ دار فرد عارضی ملازمین مستقلی بل 2020ء کے بابت گلگت بلتستان اسمبلی کی کاروائی اور وزیر اعلیٰ گلگت بلتستان کی سفارشات ریکارڑ سے ملاحظہ کرسکتے ہیں اور وزیر اعلیٰ کی دوغلی پالیسی کو عوام کے سامنے لا سکتے ہیں۔
ترجمان گورنر سیکریٹریٹ گلگت بلتستان نے عوام سے اپیل کیا ہے کہ وہ منافقانہ سیاست پر کان نہ دھریں بلکہ اصل حقائق کو جاننے کی کوشش کریں۔ وزیر اعظم پاکستان عمران خان کا اصل منشور غریبوں کی مدد کرنا اور بے روزگاروں کو روزگار فراہم کرنا ہے۔ پاکستان اور گلگت بلتستان سے غربت اور کرپشن کا خاتمہ ہے۔گورنر گلگت بلتستان راجہ جلال حسین مپقون نے آج تک کوئی بھی جائز اور قانونی گلگت بلتستان اسمبلی سے پا س شدہ ایکٹ /بل نہیں روکا ہے اور نہ آئندہ عوامی مفاد کا کوئی بھی کام روکیں گے۔گورنر وفاق اور صوبائی حکومت کے درمیان ایک پُل کا کردار ادا کررہا ہے۔
![](https://urdu.hunzanews.net/wp-content/uploads/2019/11/art-urdu-300x150.gif)
مضامین
کیا عورت کم عقل ہوتی ہے؟
ایک حدیث میں بیان ہوا ہے کہ عورت کم عقل اور کم دین ہے، جیسا کہ صحیح بخاری اور صحیح مسلم میں مذکور ہے۔ یہ