ڈی سی گلگت سے ملنا آسان ہے مگر اے او سے ملنا مشکل

گلگت۔ ( نمائندہ خصوصی):سائل ڈی سی آفس کے اے او سے عاجز آگئے۔ ڈی سی گلگت سے ملنا آسان ہے مگر اے او سے ملنا مشکل ہے۔سائلوں کا کہنا ہے کہ اے او ڈسی آفس گزشتہ 5سال سے کرسی پر براجماں ہیں۔ اے او کے دفتر آنے پر ملاقات نہیں ہوسکتی ہے اکثر اے او آفس میں موجود نہیں ہوتے ہیں اور میٹنگ کا بہانہ بناکر سائلوں کو ٹرخایا جاتا ہے سائل دفتر کے چکر لگا کر واپس چلے جاتے ہیں مگر اے او کے دفتری کام انجام کو نہیں پہنچتے ہیں۔ سائلوں نے چیف سیکریٹری گلگت بلتستان، ہوم سیکریٹری گلگت بلتستان، سیکریٹر ی سروسز گلگت بلتستان اور ڈپٹی کمشنر گلگت سے مطالبہ کیا ہے کہ ایڈمن آفیسر کو جلد ازجلد تبادلہ کیا جائے تاکہ سائلوں کو مشکلات کا سامنا نہ کرنا پڑے۔