بلتستان پولیس کی انتھک محنت اور کوششوں سے اغوا ہونے والے بچے کو بازیاب کیا ہے۔ایک بچے کا ہسپتال سے اغوا ہونا ایک امتحان سے کم نہ تھا

گلگت ( پ ر ) صوبائی وزیر اطلاعات و منصوبہ بندی اقبال حسن نے کہا ہے کہ بلتستان پولیس کی انتھک محنت اور کوششوں سے اغوا ہونے والے بچے کو بازیاب کیا ہے۔ایک بچے کا ہسپتال سے اغوا ہونا ایک امتحان سے کم نہ تھا ،بلتستان پولیس نے بچے کو بازیاب کر کے یہ ثابت کر دیا کہ گلگت بلتستان پولیس کسی بھی صوبے کی پولیس سے کم نہیں ہیں۔انہوں نے مزید کہا کہ گلگت بلتستان پولیس نے بچے کو بازیاب کر کے نہ صرف اپنے دشمن بلکہ پوری قوم کے لئے یہ پیغام دیا کہ گلگت بلتستان پولیس کسی بھی قسم کے دشمن عناصر سے مقابلہ کرنے کی بھرپور صلاحیت رکھتی ہے،اور ہمیں اپنی پو لیس پر فخر ہے۔