ایس پی کی تقرری میں تاخیری کا معاملہ اسمبلی اجلاس میں اُٹھانا سینئر وزیر کرنل (ر) عبید اللہ بیگ کے لئے شرم کی بات ہے

ہنزہ (نمائندہ خصوصی) ظہور کریم صدر پاکستان پیپلز پارٹی ضلع ہنزہ و سابق امیدوار برائے قانون ساز اسمبلی جی بی نے کہا ہے کہ ہنزہ میں ضلعی پولیس سر براہ (ایس پی)کی تقرری میں تاخیری کا معاملہ اسمبلی اجلاس میں اُٹھانا سینئر وزیر و ممبر قانون ساز اسمبلی حلقہ ۶ کرنل (ر) عبید اللہ بیگ کے لئے شرم کی بات ہے۔ یہ ایک ہی فون پر ہی اپنے حلقے کے لئے پولیس سر براہ مقرر کر وا سکتا تھا اور اسمبلی میں اس معمولی سی بات کو دہرانا ان کو زیب نہیں دے سکتا ہے۔ عوام نے جو توقعات ان سے وابستہ کر کے حق رائے دہی (ووٹ) میں ان کا انتخاب کیا تھا اُن توقعات پرپورا اتر نہ سکا۔