التت ہنزہ کے عوام نے گورنر گلگت بلتستان کا شکریہ ادا کیا

نزہ ( اجلال حسین ) التت ہنزہ کے عوام نے گورنر گلگت بلتستان کا شکریہ ادا کیا کہ انہوں نے التت چوک تا فورٹ اور دوئیکر کے راستے کو کشادہ کرنے اور دوبارہ پکا کرنے کے منصوبے کا افتتاح کیا۔ اس سڑک کی خستہ حالی کی وجہ سے التت کے عوام بہت مشکل میں تھے اور انکو پریشانی تھی۔ اسکے ساتھ ہی میر صاحب کی کوششوں سے لکڑی کا معلق پل آر۔سی۔سی بنایا جائے گا جس پر بہت جلد کام شروع کیا جائے گا۔ علاقے کے عوام نے ان کوششوں کو سراہا اور امید ظاہر کہ یہ منصوبے جلد مکمل ہو جائیں گے اور عوام کو سہولت ہوگی۔ نیز اس منصوبے کی تکمیل سے سیاحوں کو بھی آسانی کیساتھ التت اور دوئیکر جانے میں آسانی ہوجائے گی اور اس کے نتیجے میں علاقے میں معاشی سرگرمیوں میں اضافہ ہوگا جو عوام کے مفاد میں ہوگا۔